ଟିପର ଚକା ତଳେ ଚାପି ହୋଇ ଜଣକ ଜୀବନ ଗଲା
ନବରଙ୍ଗପୁର: ନବରଙ୍ଗପୁର ଜିଲ୍ଲା ଡାବୁଗାଁ ବ୍ଲକ ସଦରମହକୁମା ସ୍ଥିତ ଡାବୁଗାଁ – ବୋରିଗାଁ ପୂର୍ତ୍ତ ବିଭାଗ ରାସ୍ତା ଉପରେ ବସଷ୍ଟାଣ୍ଡ ନିକଟରେ ଏକ ଟିପର ଚକା ତଳେ ଜଣେ ଲୋକ ଚାପି ହୋଇ ଗୁରୁବାର ସକାଳ ୧୧ ଘ. ସମୟରେ ଜୀବନ ଚାଲି ଗଲା। ସୂଚନାଯୋଗ୍ୟ:- ଡାବୁଗାଁ ମେଡିକାଲ କଲୋନୀ ରେ ରହୁଥିବା ରାଜୁ ୟାଦବ (୫୬) ଡାବୁଗାଁ – ବୋରିଗାଁ ରାସ୍ତା କଡରେ ଏକ ଜଳଖିଆ ଦୋକାନ କରି ଚଳି ଆସୁଥିଲେ ।
ଗୁରୁବାର ସକାଳ ପ୍ରାୟ ୧୧ ଘ. ସମୟରେ ସେ କୌଣସି କାମରେ ନିଜ ହୋଟେଲରୁ ବାହାରକୁ ଯାଉଥିବା ବେଳେ ଏକ ଟିପର ନଂ ଓଡି ୨୬ଜି ୩୬୩୦ ଡାବୁଗାଁ ପଟୁ ବୋରିଗାଁ ରାସ୍ତାରେ ଯାଉଥିବା ବେଳେ ରାଜୁ ଟ୍ରିପର ଚକାତଳେ ଚାପି ହୋଇଯାଇଥିଲେ, ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା। ଟିପର ଚକା ତଳେ ଚାପି ହେବା ପରେ ଡ୍ରାଇଭର ଗାଡି ନ ଅଟକାଇ ସେଠାରୁ ଗାଡି ନେ଼ଇ ଫେରାର ହୋଇଯାଇଥିଲେ । ପରେ ଟିପର ଡ୍ରାଇଭର ମାଝିଗୁଡ଼ା ଛକ ନିକଟରେ ଗାଡି ରଖି କୁଆଡେ ଫେରାର ହୋଇଯାଇ ଥିଲା । ଖବରପାଇ ଡାବୁଗାଁ ଥାନା ଅଧିକାରୀ ଗୋପାଳକୃଷ୍ଣ ଆଗୁପାତ୍ର, ସବଇନିସ୍ପେକ୍ଟର ଚନ୍ଦନ ସାହୁ ଘଟଣାସ୍ଥଳରେ ପହଞ୍ଚି ଥିଲେ | ଡାବୁଗାଁ ପୋଲିସ ଉକ୍ତ ଗାଡିକୁ ମାଝିଗୁଡା ନିକଟରୁ ଜବତ କରି ଥାନାରେ ରଖିଛି | ପରେ ପରିବାର ଲୋକେ କ୍ଷତିପୂରଣ ଦାବୀ କରି ଡାବୁଗାଁ – ବୋରିଗାଁ ରାସ୍ତା ଅବରୋଧ କରିଥିଲେ । ପରେ ଆଲୋଚନା କରାଯାଇ ଗାଡି ମାଲିକ ୨ଲକ୍ଷ ୫୦ ହଜାର କ୍ଷତିପୂରଣ ଦେବାକୁ ପ୍ରତିଶୃତି ଦେବାପରେ ଅପରାହ୍ନ ୩ ଘ. ସମୟରେ ରାସ୍ତା ରୋକ ହଟିଥିଲା | ରାସ୍ତାରୁ ଶବ ଉଠା ଯାଇ ବ୍ୟବଚ୍ଛେଦ ପାଇଁ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠା ଯାଇଥିଲା | ଏନେଇ ମୃତକ ର ପୁଅ ଟିଙ୍କୁ ୟାଦବ ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲାକୁ ଭିତ୍ତି କରି ଥାନା ଏଏସଆଇ ଗୋପାଳକୃଷ୍ଣ ହାଲୱା ଡାକ୍ତରଖାନାରେ ପହଞ୍ଚି କରି ଶବ ଜବତ କରି ପଞ୍ଚନାମା କରି ବ୍ୟବଚ୍ଛେଦ ପାଇଁ ପଠାଇଥିଲେ | ଶବ ବ୍ୟବଚ୍ଛେଦ କରାଯାଇ ପରିବାର ବର୍ଗଙ୍କୁ ହସ୍ତାନ୍ତର କରାଯାଇଛି | ସନ୍ଧ୍ୟାରେ ଅଙ୍ଗୀ ନଦୀ ଶ୍ମଶାନରେ ଶବ ସତ୍କାର ବନ୍ଧୁ ବାନ୍ଧବ ଓ ପରିବାର ପରିଜନ ଙ୍କ ସହ ସମାପନ କରାଯାଇଥିଲା lଏନେଇ ଥାନା କେସ ନଂ ୧୪୫/୨୫ ରେ ଏକ ମାମଲା ରୁଜୁ କରାଯାଇଛି l
Leave a Reply