ବୈପାରୀଗୁଡ଼, ୧୫ /୭ ବୈପାରୀଗୁଡ଼ ବ୍ଲକର କାକଲପୋଡ଼ା ଉଚ୍ଚ ମାଧ୍ୟମିକ ବିଦ୍ୟାଳୟରେ ଆଜି ମଧ୍ୟାହ୍ନ ଭୋଜନ ସମୟରେ ଭାତ ଭିତରେ ପୋକ ପାଇଯିବା ଘଟଣା ଘଟିଛି। ନବମ ଓ ଦଶମ ଶ୍ରେଣୀର ଛାତ୍ରଛାତ୍ରୀମାନେ ଏହି ଅଭିଯୋଗ କରି ବିଦ୍ୟାଳୟର ମଧ୍ୟାହ୍ନ ଭୋଜନ ଥାଳି ଦେଖାଇଥିଲେ।
ସେମାନେ କହିଛନ୍ତି ଯେ, ଏହି ଘଟଣା କେବଳ ଆଜିର ନୁହେଁ, ବହୁଦିନ ଧରି ମଧ୍ୟାହ୍ନ ଭୋଜନରେ ଅଶୁଦ୍ଧ ଖାଦ୍ୟ ମିଳୁଥିବା ଅଭିଯୋଗ ହେଉଛି। ଛାତ୍ରଛାତ୍ରୀମାନେ ଅସନ୍ତୋଷ ବ୍ୟକ୍ତ କରି ବିଷୟଟି ଅଞ୍ଚଳର ୱାର୍ଡ ମେମ୍ବରଙ୍କୁ ଦେଖାଇଥିଲେ।
ଏହି ଘଟଣା ପରେ ମଧ୍ୟ ଥିଲା, ବିଦ୍ୟାଳୟ ପ୍ରଧାନଶିକ୍ଷକଙ୍କ ସହିତ ଯୋଗାଯୋଗ କରିବା ଚେଷ୍ଟା ହେଲେ ମଧ୍ୟ ସଫଳତା ମିଳିନାହିଁ।
ସ୍ଥାନୀୟ ଅଭିଭାବକ ଏବଂ ଅଞ୍ଚଳବାସୀ ଏହି ଅନୁଚିତ ଘଟଣା ବାବଦରେ ଗଭୀର ଅସନ୍ତୋଷ ବ୍ୟକ୍ତ କରି ଉଚ୍ଚସ୍ତରୀୟ ତଦନ୍ତ କରି ଦୋଷୀଙ୍କ ଉପରେ କାର୍ଯ୍ୟନୁଷ୍ଠାନ ନିଆଯିବାକୁ ଦାବି କରୁଛନ୍ତି।
ଏହି ଘଟଣା ମଧ୍ୟାହ୍ନ ଭୋଜନ ବ୍ୟବସ୍ଥାରେ ଅନୁଶାସନ ଓ ଗୁଣମାନ ନେଇ ପ୍ରଶ୍ନ ଉଠାଇଛି।
Leave a Reply