କୋରାପୁଟ: ସ୍ଥାନୀୟ ଡି ଏ ଭି ଶିକ୍ଷକ ଶିକ୍ଷା ମହାବିଦ୍ୟଳୟ ରେ ଅନୁଷ୍ଠାନ ସ୍ତରୀୟ ଇନୋଭେଶନ ଏବଂ ଷ୍ଟାର୍ଟ-ଅପ୍ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି l ଓଡିଶା ସରକାରଙ୍କ ଉଚ୍ଚ ଶିକ୍ଷା ବିଭାଗ ପକ୍ଷରୁ କଲେଜ ଛାତ୍ରଛାତ୍ରୀଙ୍କ ମଧ୍ୟରେ ସୃଜନଶୀଳତା, ନବୋନ୍ମେଷ ଓ ଉଦ୍ୟମିତା ଭାବନାକୁ ପ୍ରୋତ୍ସାହନ ଦେବା ପାଇଁ ବହୁ-ସ୍ତରୀୟ ଇନୋଭେଶନ ଏବଂ ଷ୍ଟାର୍ଟ-ଅପ୍ ପ୍ରତିଯୋଗିତା ଆୟୋଜନ କରିବା କୁ ଅଭିନବ ପଦକ୍ଷେପ ନେଇଛନ୍ତି । ଏହି କାର୍ଯ୍ୟକ୍ରମର ଉଦ୍ଦେଶ୍ୟ ହେଉଛି ସ୍ଥାନୀୟ ସମସ୍ୟାର ସମାଧାନ, ଦୈନିକ ଜୀବନ ଓ ବ୍ୟବସାୟ ପ୍ରକ୍ରିୟାକୁ ସହଜ କରିବା, ତଥା ଉଦ୍ୟମୀ କୌଶଳ ବିକାଶ ସହିତ ଆର୍ଥିକ ସହାୟତା ଯୋଗାଇ ଅଞ୍ଚଳୀୟ ଓ କ୍ଷେତ୍ରୀୟ ଉନ୍ନତି ସାଧନ କରିବା। ଓଡ଼ିଶା ସରକାରଙ୍କ ଏହି ଅଭିନବ ପ୍ରୟାସ l କଲେଜ ଛାତ୍ର ଛାତ୍ରୀ ମାନଙ୍କ ମଧ୍ୟରେ ଷ୍ଟାର୍ଟ-ଅପ୍ ଏବଂ ବ୍ୟବସାୟ ପ୍ରତି ଧାରଣା ଜନ୍ମାଇବା  ସହିତ – ସେମାନଙ୍କ ମଧ୍ୟରେ ବାଣିଜ୍ୟିକ ସମ୍ଭାବନା ଥିବା ପ୍ରସ୍ତାବ ଗୁଡିକ ଲୋକ ଲୋଚନକୁ ଆଣି ପାରିବେ ଏବଂ ସେମାନଙ୍କ ମଧ୍ୟରେ  ଏକ  ସଫଳ ଉଦ୍ୟମୀ ହୋଇ ପାରିବେ l ଡି ଏ ଭି ଶିକ୍ଷକ ଶିକ୍ଷା ମହାବିଦ୍ୟାଳୟର ୧୨ ଟି ଦଳ ଅଂଶଗ୍ରହଣ କରିଥିଲେ l ସେଥିମଧ୍ୟରୁ ଆଦିବାସୀ ଅଧ୍ୟୁଷିତ କୋରାପୁଟ ଜିଲ୍ଲାର  ଆଦିବାସୀ ଛାତ୍ରଛାତ୍ରୀଙ୍କ ମଧ୍ୟରେ କିପରିଭାବରେ ବହୁଭାଷୀ ଶିକ୍ଷା ପ୍ରଦାନକାରୀ ମୋବାଇଲ ଆପ୍ଲିକେସନ ତିଆରି କରି ହେବ ସେ  ଷ୍ଟାର୍ଟ-ଅପ୍ ସବୁଠୁ ଶ୍ରେଷ୍ଠ ବିବେଚିତ ହୋଇଥିଲା l  ସ୍ଥାନୀୟ  ପିଲା  ମାନଂକୁ କିପରି ଭାବରେ ସର୍ବନିମ୍ନ ମୂଲ୍ୟ  ରେ  କୋଚିଂ   ଯୋଗାଇଦେଇ ହେବ ସେ  ଷ୍ଟାର୍ଟ-ଅଫ ଦିତୀୟ ସ୍ଥାନ ଅଧିକାର କରିଥିବା ବେଳେ  କଳା ଜିରା ଧାନ ରୁ ବିଭିନ୍ନ ପ୍ରକାର ଉତ୍ପାଦ ବାହର କରିହେବ ତୃତୀୟ ସ୍ଥାନ ଅଧିକାର କରିଥିଲା l ଏହି କାର୍ଯ୍ୟ କ୍ରମରେ  ଶ୍ରୀ ରୋସନ କୁମାର କାର୍ତିକ, ମୁଖ୍ୟ ନିର୍ବାହୀ ଅଧିକାରୀ,  ORMAS ନବରଙ୍ଗପୁର ବିଶେଷଜ୍ଞ ଏବଂ ମୁଖ୍ୟ  ଅତିଥି ଭାବେ ଆସି ସମସ୍ତ ପ୍ରତିଯୋଗୀ ଙ୍କୁ ମୂଲ୍ୟାୟନ କରିଥିଲେ ଓ ଅଭିବକ୍ତ କୋରାପୁଟ ର ଥିବା ବିଭିନ୍ନ ପ୍ରାକୃତିକ ସମ୍ପଦ କୁ ନେଇ କିପରି  ଭାବରେ ସର୍ବତମ ଉତ୍ପାଦ ବାହାର କରିହେବ  ସେ ବିଷୟରେ ଦିଗଦର୍ଶନ ଦେଇଥିଲେ  l ସର୍ବମୋଟ 12 ଟି ଗ୍ରୁପ ରୁ 3 ଟି ଗ୍ରୁପ କୁ ଶ୍ରେଷ୍ଠ ଗ୍ରୁପ ଭାବେ ବିଶ୍ୱବିଦ୍ୟାଳୟ ସ୍ତରୀୟ ପ୍ରତିଯୋଗୀତା ପାଇଁ ଚୟନ କରାଯାଇଥିଲା l  ଏହି କାର୍ଯ୍ୟକ୍ରମ କଲେଜ ଅଧକ୍ଷ ପ୍ରୋଫେସର ଡ. ଦେବେନ୍ଦ୍ର କୁମାର ସେଠୀ ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଶ୍ରୀମତୀ ଝରଣା ସାହୁ ଏବଂ ଡକ୍ଟର ପୂର୍ଣ୍ଣଚନ୍ଦ୍ର ତନ୍ତୀ ସହକାରୀ ପ୍ରଧ୍ୟାପକ କାର୍ଯ୍ୟକ୍ରମ କୁ ସଂଯୋଜନା କରିଥିଲେ l କଲେଜ ର ସମସ୍ତ ଅଧ୍ୟାପକ ଏବଂ  ଅଧ୍ୟାପିକା ଛାତ୍ର ଛାତ୍ରୀ ଷ୍ଟାର୍ଟପ ଗ୍ରୁପ ମାନଙ୍କୁ ମାର୍ଗ ଦର୍ଶନ କରିଥିଲେ l