ଶୀତ କାଳୀନ କବିତା ଆସର
ଉମରକୋଟ: – ଜିଲ୍ଲାର ଅଗ୍ରଣୀ ସାହିତ୍ୟ ଅନୁଷ୍ଠାନ ସ୍ଥାନୀୟ ଫକୀର ମୋହନ ପଠାନଶାଳା ଆନୁକୂଲ୍ୟରେ, ଉମରକୋଟ ଭାସ୍କଲ ଡ୍ୟାମ ଠାରେ ଉମରକୋଟ, ଇ ଅଂଚଳ ର କବି/କବୟିତ୍ରୀ ମାନଙ୍କୁ ନେଇ, ଶୀତକାଳୀନ କବିତା ଆସର ଅନୁଷ୍ଠିତ ହୋଇଯାଇଛି। ଉପାନ୍ତ ଅଂଚଳରେ ଓଡ଼ିଆ ଭାଷା ସାହିତ୍ୟ ର ପ୍ରଚାର ପ୍ରସାର ସହ, ସମ୍ପ୍ରତି ସମାଜ ରେ ଶୁଦ୍ଧ ଓଡ଼ିଆ ଭାଷା ଲିଖନ ପଠନ ଅଭିବୃଦ୍ଧି କରିବା, ଏବଂ ଓଡିଶା ର ସଂସ୍କୃତି ଓ ପରମ୍ପରା କୁ ଉଦଜୀବିତ କରି ରଖିବା ପାଇଁ ଅନୁଷ୍ଠାନ ତରଫେ ବର୍ଷ-2008 ଠାରୁ ଏଭଳି ସାହିତ୍ୟ ଅଭିମୁଖୀ ବିଶିଷ୍ଠ ବିଭିନ୍ନ କାର୍ଯ୍ୟକ୍ରମ ମାନ ଆୟୋଜିତ କରି ଆସୁଛି ! ରାଇଘର, ଝରୀଗାଁ, ଚନ୍ଦାହାଣ୍ଡି ଓ ଉମରକୋଟ ଅଞ୍ଚଳ ରୁ ଆସିଥିବା ପ୍ରାୟ 50 ରୁ ଉର୍ଦ୍ଧ୍ଵ କବି/କବୟିତ୍ରୀ ସ୍ବରଚିତ କବିତା ପାଠ କରି ବା ସହ ଉପସ୍ଥିତ ଅତିଥି ବୃନ୍ଦ ଙ୍କୁ ନେଇଁ ଏକ ସାହିତ୍ୟ ଆଲୋଚନା ଚକ୍ର ହୋଇଥିଲା । ଏଥିରେ, ଅନୁଷ୍ଠାନ ର ସମ୍ପାଦକ ଶ୍ରୀ ପ୍ରଫୁଲ୍ଲ ରାଉତ ଅତିଥି ମାନଙ୍କୁ ମଞ୍ଚକୁ ଆମନ୍ତ୍ରଣ କରି ସଭାପତିତ୍ୱ କରି ଥିବା ବେଳେ ଆୟୋଜିତ ଆଲୋଚନା ଚକ୍ରରେ ପ୍ରାକ୍ତନ ଓଡିଶା ସାହିତ୍ୟ ଏକାଡେ଼ମୀ ସଦସ୍ୟ ଶ୍ରୀ ବଲ୍ଲଭ ରାଉତ ମୁଖ୍ୟ ଅତିଥି ରୂପେ, ଡ଼ଃ ସୁରେନ୍ଦ୍ର ନାଥ ଦାସ ମୁଖ୍ୟ ବକ୍ତା ରୂପେ, ଏବଂ ସମ୍ମାନିତ ଅତିଥି ଭାବେ ଟୁଟୁବାବୁ ପଟ୍ଟନାୟକ, ଶଙ୍କର ପ୍ରସାଦ ନାଲ୍ଲା, ରାମ ଚନ୍ଦ୍ର ରାମ, ନଗେନ୍ଦ୍ର କୁମାର ରାଉତ, ବରିଷ୍ଠ ଓକିଲ ଶ୍ରୀନିବାସ ପଟ୍ଟନାୟକ, ହିମାଂଶୁ ଆଚାରୀ, ସତ୍ୟ ପ୍ରଧାନ, ଅଂଶ ଗ୍ରହଣ କରିଥିଲେ !

ଯୁବ କବି ଶ୍ରୀ ବିବେକାନନ୍ଦ ପଟ୍ଟନାୟକ ଏବଂ ସାଗର କୁମାର ପରିଡା ମଞ୍ଚ ପରିଚାଳନା ଏବଂ କବିତା ଗୁଡ଼ିକର ସଂଯୋଜନା କରିଥିଲେ ! ଅନ୍ୟ ମାନଙ୍କ ମଧ୍ୟରେ କବୟିତ୍ରୀ ଶ୍ରୀମତୀ
ମନୋରମା ମହାପାତ୍ର, ଶ୍ରୀମତୀ ପ୍ରଭାତୀ ଦେବନାଥ, ଶ୍ରୀମତୀ ଶାନ୍ତିଲତା ମହାନ୍ତି, ଶ୍ରୀମତୀ ସ୍ଵାଗତିକା ସାହୁ, ମିନତୀ ନାୟକ ପ୍ରମୁଖ କବିତା ଆବୃତ୍ତି କରିଥିଲେ ! ସମସ୍ତ କାର୍ଯ୍ୟକ୍ରମକୁ ଶ୍ରୀ ସୁବାସ ଚନ୍ଦ୍ର ବିଷୋୟୀ , ଶ୍ରୀ ରାଜ କିଶୋର ନାଏକ, ସଂଗ୍ରାମ କେଶରୀ ପରିଡା, ପୂର୍ଣ୍ଣ ଚନ୍ଦ୍ର ମାହାଳିକ, ପୂର୍ଣ୍ଣ ଚନ୍ଦ୍ର ସେଠୀ, ଚନ୍ଦନ କୁମାର ପାତ୍ର ଓ ଅନ୍ୟାନ୍ୟ ପରିଚାଳନା କରିଥିଲେ। ଶେଷରେ ଶ୍ରୀନିବାସ ପଟ୍ଟନାୟକ ଧନ୍ୟବାଦ ପ୍ରଦାନ କରିଥିଲେ।