ଆମ୍ବୁଲାନ୍ସ ପହଞ୍ଚି ପାରିଲାନି
ଗର୍ଭବତୀ ଅଧ କିଲୋମିଟର ଚାଲିଲେ
ବୈପାରିଗୁଡା :ଗାଁକୁ ଆମ୍ବୁଲାନ୍ସ ପହଞ୍ଚି ନପାରିବାରୁ ଅଧ କିଲୋମିଟର ଦୂର କାଦୁଅ ପଚପଚ ରାସ୍ତାରେ ଚାଲି ଚାଲି ଆମ୍ବୁଲାନ୍ସ ପର୍ଯ୍ୟନ୍ତ ଯିବାକୁ ପଡ଼ିଲା ଜଣେ ଗର୍ଭବତୀ ମହିଳାଙ୍କୁ ଏଭଳି ଦୃଶ୍ୟ ଦେଖିବାକୁ ମିଳିଛି କୋରାପୁଟ ଜିଲ୍ଲା ବୈପାରିଗୁଡା ବ୍ଲକ ଅନ୍ତର୍ଗତ ମାଠପଡା ପଞ୍ଚାୟତର ଡେଙ୍ଗପାଖନା ଗ୍ରାମରେ ଘଟଣା ଅନୁଯାୟୀ ଡେଙ୍ଗପାଖନା ଗ୍ରାମର ପବିତ୍ର କାଣ୍ଡକିଙ୍କ ପତ୍ନୀ ଗୋରୀ କାଣ୍ଡକି ଗତକାଲି ରାତି ୨ଟା ବେଳେ ପ୍ରସବ ଯନ୍ତ୍ରଣା ଅନୁଭବ କରିଥିଲେ | ଏ ସଂପର୍କରେ ପରିବାର ଲୋକେ ନିକଟସ୍ଥ ଆଶାକର୍ମୀଙ୍କୁ ଫୋନ୍ ଯୋଗେ ଯୋଗାଯୋଗ କରିବାରୁ ଯୋଗାଯୋଗ ହୋଇ ପାରିନଥିଲା। ମଙ୍ଗଳବାର ସକାଳ ୮ଟା ବେଳେ ଗୋରୀଙ୍କୁ ଅତ୍ୟକ ଯନ୍ତ୍ରଣା ହେବାରୁ ତୁରନ୍ତ ଆମ୍ବୁଲାନ୍ସକୁ
ଫୋନ୍ କରାଯାଇଥିଲା। ଆମ୍ବୁଲାନ୍ସ ଆସିଲା କିନ୍ତୁ ରାସ୍ତା ଶୋଚନୀୟ ଥିବାରୁ ଗାଁ ପର୍ଯ୍ୟନ୍ତ ପହଞ୍ଚି ପାରିଲା ନାହିଁ ତେଣୁ ଗ୍ରାମବାସୀ ବାଧ୍ଯ ହୋଇ
କାହା ଲାଗି ମା’ ଗୃହ ଅଧ କିଲୋମିଟର ଦୂର କାଦୁଅ ପଚପଚ ରାସ୍ତାରେ ଗୋରୀଙ୍କୁ ଭଲ ରାସ୍ତା ପର୍ଯ୍ୟନ୍ତ ଚଲେଇ ଚଲେଇ ନେବାକୁ ପଡ଼ିଥିଲା | ବୈପାରିଗୁଡା ମେଡ଼ିକାଲରେ ପହଞ୍ଚିବା ପରେ ଏକ ଶିଶୁ ପୁତ୍ରକୁ ଜନ୍ମ ଦେଇଥିଲେ ଗୋରୀ।
ଏଠାରେ ସ୍ବାସ୍ଥ୍ୟ ବିଭାଗର ଅବହେଳା ଯୋଗୁ ଗର୍ଭବତୀ ମହିଳାଙ୍କୁ ଅଧ କିଲୋମିଟର ଦୂର ଚାଲିବାକୁ ପଡ଼ିଥିଲା | କୋଟି କୋଟି ଟଙ୍କା ଖର୍ଚ୍ଚ କରି ସରକାର ଗର୍ଭବତୀ ମହିଳାଙ୍କ ପାଇଁ ମାଁ ଗୃହ ନିର୍ମାଣ କରିଛନ୍ତି।
ଦୁର୍ଗମ ଅଞ୍ଚଳରେ ଗମନାଗମନର ସୁବିଧା ନଥିବାରୁ ଆମ୍ବୁଲାନ୍ସ ଗାଁ ପର୍ଯ୍ୟନ୍ତ ପହଞ୍ଚି ପାରେନାହିଁ ତାହାକୁ ଦୃଷ୍ଟିରେ ରଖ୍ ଗର୍ଭବତୀ ମହିଳାଙ୍କ ପ୍ରସବର ୧୦ ଦିନ ପୂର୍ବରୁ ମାଁ ଗୃହରେ ଅଣାଯାଇ ରଖାଯିବାର ବ୍ୟବସ୍ଥା କରାଯାଇଛି । ମା ଗୃହରେ ଗର୍ଭବତୀ ମହିଳାଙ୍କ ପ୍ରସବ ପର୍ଯ୍ୟନ୍ତ ଡ଼ାକ୍ତରଙ୍କ ପରାମର୍ଶ କ୍ରମେ ନିୟମିତ ଔଷଧ ଖାଇବା ସହ ତାଙ୍କ ଖାଇବା ପିଇବା ଏବଂ ସ୍ବାସ୍ଥ୍ୟର ସମସ୍ତ ଯତ୍ନ ନିଆଯିବାର ବ୍ୟବସ୍ଥା ରହିଛି। କିନ୍ତୁ ସ୍ବାସ୍ଥ୍ୟ ବିଭାଗର ବ୍ୟତିକ୍ରମ ଦେଖାଦେଇଛି ବୈପାରିଗୁଡା ବ୍ଳକରୋ ଯଦି ଗର୍ଭବତୀ ମହିଳାଙ୍କୁ ଯନ୍ତ୍ରଣା ପୂର୍ବରୁ ମାଁ ଗୃହରେ ରଖାଯାଇ ପାରିଥାନ୍ତା ତେବେ ଅଧ କିଲୋମିଟର ଦୂର କାଦୁଅ ରାସ୍ତାରେ ଚାଲିବାକୁ ପଡିନଥାନ୍ତା| ତେଣୁ କୋଟି କୋଟି ଟଙ୍କାରେ ଖର୍ଚ୍ଚ କରାଯାଇ ନିର୍ମାଣ କରାଯାଉଥିବା ମା ଗୃହ କାହା ପାଇଁ ବୋଲି ପ୍ରଶ୍ନ ଉଠୁଛି
Leave a Reply