ଭୁବନେଶ୍ୱର, ଜୁଲାଇ ୨୪: (ପ୍ରତିନିଧି) ଓଡ଼ିଶାରେ ମହିଳା ଉପରେ ଘଟୁଥିବା ଦିନକୁ ଦିନ ବୃଦ୍ଧି ପାଉଥିବା ଅପରାଧ, ନିର୍ମମ ଉତ୍ପୀଡନ ଓ ଆଇନ ଶୃଙ୍ଖଳାର ଅବନତି ବିଷୟରେ ଗମ୍ଭୀର ଚିନ୍ତା ବ୍ୟକ୍ତ କରି ମିଳିତ ବିରୋଧୀ ଦଳ ଆଜି ରାଜ୍ୟପାଳ ଶ୍ରୀ ହରି ବାବୁ କମ୍ବମ୍ପତିଙ୍କୁ ଭେଟି ଏକ ଦାବିପତ୍ର ପ୍ରଦାନ କରିଛନ୍ତି।
ଏହି ଦଳରେ ଭାରତୀୟ ଜାତୀୟ କଂଗ୍ରେସ, କମ୍ୟୁନିଷ୍ଟ ଦଳ, ଫରୱାର୍ଡ ବ୍ଲକ୍, ନ୍ୟାସନାଲିଷ୍ଟ କଂଗ୍ରେସ ଓ ସମାଜବାଦୀ ଦଳ ଯୋଗ ଦେଇଥିଲେ। ଏହି ପ୍ରତିନିଧି ଦଳର ନେତୃତ୍ୱ ଜୟପୁର ବିଧାୟକ ଶ୍ରୀ ତାରାପ୍ରସାଦ ବାହିନୀପତି କରୁଥିଲେ।

ଦାବିପତ୍ରରେ ରାଜ୍ୟରେ ଘଟୁଥିବା ମହିଳା ଓ ଛାତ୍ରୀ ଉପରେ ନିର୍ମମ ଅପରାଧକୁ ଉଲ୍ଲେଖ କରାଯାଇ ରାଜ୍ୟପାଳଙ୍କ ତୁରନ୍ତ ହସ୍ତକ୍ଷେପ ଦାବି କରାଯାଇଛି। ମହିଳାମାନେ ଭୟ ଓ ଅନ୍ୟାୟ ଛାଡ଼ି ସୁରକ୍ଷିତ ଓ ସମ୍ମାନିତ ଭାବରେ ବଞ୍ଚିବା ଅଧିକାର ରଖନ୍ତି ବୋଲି ଦଳ ଘୋଷଣା କରିଛି।
ବିରୋଧୀ ଦଳ ଏହି ମାମଲାକୁ ଗମ୍ଭୀର ଭାବେ ଗ୍ରହଣ କରି ଜନମତ ସହ ଲଢ଼େଇ ଆଗକୁ ବଢ଼ାଇବା ଦୃଢ଼ ସଂକଳ୍ପ ବ୍ୟକ୍ତ କରିଛି।