Kranti News India
ଜୟପୁର/ବୈପାରିଗୁଡ଼ା, ୪/୮ କେନ୍ଦୁପତ୍ର ବୋଝେଇ ଟ୍ରକ୍ ଯୋଗୁଁ ବୈପାରିଗୁଡ଼ା ଅଞ୍ଚଳର କୋଟା ଛକ ନିକଟସ୍ଥ ସ୍ବଲପୁର କୋଲାବ ବ୍ରିଜ୍ରେ ଦୈନିକ ଟ୍ରାଫିକ୍ ସମସ୍ୟା ଜନ୍ମ ନେଉଛି। ଅଭିଯୋଗ ଅନୁଯାୟୀ, ମାଲକାନଗିରି ଜିଲ୍ଲାରୁ ଆସୁଥିବା ଏହି ଟ୍ରକ୍ଗୁଡିକ ନିୟମ ଉଲ୍ଲଂଘନ କରି ବେସି ପରିମାଣରେ କେନ୍ଦୁପତ୍ର ବସ୍ତା ବୋଝେଇ କରି ଚାଲାଣ କରୁଛନ୍ତି।
୧୬ ଚକିଆ ଟ୍ରକ୍ରେ ୪୦୦ ବସ୍ତା ର ନିୟମ ଥିବା ବେଳେ, ବର୍ତ୍ତମାନ ଅଧିକାଂଶ ଟ୍ରକ୍ରେ ଏହାଠାରୁ ଅଧିକ ବସ୍ତା ଲୋଡ୍ କରାଯାଉଛି। ଫଳରେ ଏହି ଭାର ଧରି ଟ୍ରକ୍ଗୁଡିକ ବ୍ରିଜ୍ରେ ଫସିଯାଇ ଯାନଚଳାଚଳକୁ ବାଧା ପହଞ୍ଚାଉଛି।
ସ୍ଥାନୀୟ ଲୋକମାନେ କହିଛନ୍ତି ଯେ, ଏହି ଅବ୍ୟବସ୍ଥିତ ଯାତାୟାତରେ ସେମାନେ ଦୈନିକ ହଇରାଣ ହେଉଛନ୍ତି। ଟ୍ରକ୍ ମାଲିକମାନେ ନିଜ ସ୍ୱାର୍ଥ ପାଇଁ ଅତିରିକ୍ତ ମାଲ ବୋଝେଇ କରୁଥିବା ବେଳେ, ସାଧାରଣ ଲୋକ ଦୁଃଖଭୋଗ କରୁଛନ୍ତି।
ସ୍ଥାନୀୟ ବାସିନ୍ଦାମାନେ ଏହି ସମସ୍ୟା ପ୍ରତି ବିଭାଗୀୟ ଅଧିକାରୀଙ୍କ ନଜର ଆକର୍ଷଣ କରି, ଟ୍ରାକ୍ର ଓଜନ ନିୟମ ଦୃଢ଼ତା ସହ ପାଳନ କରାଯାଉ ବୋଲି ଦାବି କରିଛନ୍ତି।
