ନେତାଜୀ ଓ ବୀର ସୁରେନ୍ଦ୍ର ସାଏ ଜୟନ୍ତୀ ପାଳିତ । 
ଜୟପୁର : ସୁନାବେଡା ସରସ୍ବତୀ ଶିଶୁ ବିଦ୍ୟା ମନ୍ଦିରରେ ନେତାଜୀ ଓ ବୀର ସୁରେନ୍ଦ୍ର ସାଏ ଜୟନ୍ତୀ ସହ ପୂର୍ବ ଛାତ୍ର ଦିବସ ପାଳିତ ହୋଇଯାଇଛି।
ମୁଖ୍ୟ ଅତିଥି ରୂପେ ବିଦ୍ୟାଳୟର ସଭାପତି ଚିରଞ୍ଜିବୀ ପରିଛା ଓ ସମ୍ମାନିତ ଅତିଥି ଭାବେ ଉପ-ସଭାପତି ବିଜୟ କୁମାର୍ ହନ୍ତାଳ ଯୋଗ ଦେଇଥିଲେ। ପ୍ରଧାନ ଆଚାର୍ଯ୍ୟ ଲକ୍ଷ୍ମୀକାନ୍ତ ମିଶ୍ର ମୁଖ୍ୟ ବକ୍ତା ରୂପେ ଯୋଗ ଦେଇ ନେତାଜୀ ଓ ବୀର ସୁରେନ୍ଦ୍ର ସାଏଙ୍କ ଆଦର୍ଶରେ ଅନୁପ୍ରାଣିତ ହୋଇ ଦେଶ ପାଇଁଁ ମଣିଷ ପରି ମଣିଷଟିଏ ହେବା ନିମନ୍ତେ ମାର୍ଗଦର୍ଶନ କରିଥିଲେ। ଆଦର୍ଶ ନାଗରିକ ଓ ରାଷ୍ଟ୍ରପ୍ରେମୀ ହେବାପାଇଁ ଶିଶୁ ମନ୍ଦିରରୁ ହିଁ ଆମେ ଶିକ୍ଷା ପାଇଛୁ ଏବଂ ଏହାକୁ ନିଶ୍ଚିତ ଭାବରେ ଆମ ଜୀବନରେ ପ୍ରୟୋଗ କରିବୁ ବୋଲି ପୂର୍ବ ଛାତ୍ରଛାତ୍ରୀ ମାନେ ମତବ୍ୟକ୍ତ କରିଥିଲେ।
ଶିଶୁମାନଙ୍କ ମଧ୍ୟରେ ବିଭିନ୍ନ ବେଶ ପ୍ରତିଯୋଗିତା କରାଯାଇ ପୁରସ୍କାର ବିତରଣ କରାଯାଇଥିଲା। ଲକ୍ଷ୍ମୀ ସାହୁ, ଗାୟତ୍ରୀ ମହାନ୍ତି, ସରସ୍ଵତୀ ମହାରଣା,ମଞ୍ଜୁଲତା ସ୍ବାଇଁ,ପୁଷ୍ପଲତା ପାତ୍ର,ଅନିତା ନାୟକଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ସମସ୍ତ ଗୁରୁଜୀ ଗୁରୁମା କାର୍ଯ୍ୟକ୍ରମକୁ ପରିଚାଳନା କରିଥିଲେ।
Leave a Reply