ବାଇକ ଉପରେ ଚଢ଼ିଗଲା ମାଲ ବୋଝେଇ ଟ୍ରକ ଗଲା ଚାରି ଜୀବନ
ଜୟପୁର: ସକାଲୁ ସକାଳୁ ଗଲା ଚାରି ଜଣଙ୍କ ଜୀବନ । ଜୟପୁର ରେ ଘଟିଛି ହୃଦୟ ବିଦାରକ ଘଟଣା। ଜୀବିକା ପାଇଁ କାମ କରିବାକୁ ଯାଉଥିଲେ। ହେଲେ ଅଧା ବାଟରେ ଜୀବନ ଗଲା । ଏଭଳି ଦୁଃଖଦ ଘଟଣା ଘଟିଛି ଜୟପୁର ନିକଟ ୩୨୬ ନମ୍ବର୍ ଜାତୀୟ ରାଜ ପଥରେ । ବାଇକ ଉପରେ ଚଢ଼ିଗଲା ମାଲ ବୋଝେଇ ଟ୍ରକ ଭୋର ସକାଳୁ ଘଟିଛି ଦୁଃଖଦ ଘଟଣା । କୋରାପୁଟ ଜିଲ୍ଲା ଜୟପୁର ର ପାତ୍ରପୁଟ ନିକଟ “ଜବାକନାଡ଼ି” ଠାରେ ସଡ଼କ ଦୁର୍ଘଟଣାରେ ୪ ଜଣଂକ ମୃତ ହୋଇଛି । ମୃତକଙ୍କ ମଧ୍ୟରେ ଗୋଟିଏ ପରିବାରରେ ତିନି ଜଣ ରହିଛନ୍ତି । ଏହା ସହ ଜଣେ ପଡୋଶୀଙ୍କ ମୃତ ହୋଇଥିବା ଜଣାପଡିଛି । ମୃତକଙ୍କ ମଧ୍ୟରେ ୨ଜଣ ନାବାଳକ ଅଛନ୍ତି । ମୃତକ ମାନେ ହେଲେ ବୈପାରିଗୁଡା ବ୍ଲକ ବିଚଲ୍ କୋଟା ଗାଁ ନିକଟସ୍ଥ କଲୋନୀ ଗାଁର। ୪ ଜଣ ଗୋଟିଏ ମୋଟର ସାଇକଲ ରେ ଭଟାଛିଞ୍ଚି ଗାଁ କୁ ଧାନ ବାନ୍ଧିବା ପାଇଁ କୁଲି କାମ କରିବାକୁ ଯାଉଥିବା ସମୟରେ ହୋଇଥିଲା ଦୁର୍ଘଟଣା l ମୃତକ ମାନେ ହେଲେ ଧୋବା ପରଜା ବୟସ 25 ବର୍ଷ , ଲୋକିନାଥ ଜାନି ବୟସ 18 ବର୍ଷ , ଘାସି ପରଜା ବୟସ 11 ବର୍ଷ , ଧନପତି ପାରଜା ବୟସ 13 ବର୍ଷ ଗୋଟିଏ ଗାଁର ବୋଲି ଜଣାପଡ଼ିଛି ।ଘଟଣାରେ ଗ୍ରାମବାସୀ ଏବଂ ସଂପର୍କୀୟ ମାନେ ଟାୟାର ଜାଳି ଜାତୀୟ ରାଜପଥ ୩୨୬ କୁ ଅବରୋଧ କରିଛନ୍ତି। ଘଟଣାରେ ଜୟପୁର ସଦର ପୁଲିସ୍ ଏବଂ ବୈପାରିଗୁଡ଼ା ଥାନା ପୋଲିସ ପହଂଚି ମୃତକଙ୍କ ପାରିବାର ଙ୍କୁ ବୁଝାସୁଝା କରୁଛନ୍ତି। ଘଟଣାରେ ଟ୍ରକ୍ ଡ୍ରାଇଭର ଫେରାର ଥିବା ଜଣାପଡିଛି। ଘଟଣାସ୍ଥଳରେ ଉତ୍ତେଜନା ଲାଗି ରହିଛି ।
Leave a Reply