ସକାଳୁ ମର୍ଣ୍ଣି ୱାକ ଯିବା ହେଲା କାଳ।

ସକାଳୁ ସକାଳୁ ମର୍ଣ୍ଣି ୱାକ ଯିବା ହେଲା କାଳ।

ବୋରିଗୁମ୍ମା
ସକାଳୁ ମର୍ଣ୍ଣି ୱାକ ଯିବା ସମୟରେ ବୋରିଗୁମ୍ମା ଥାନାର ଜଣେ କାର୍ଯ୍ୟରତ କନେଷ୍ଟବଳ ଙ୍କ ସଡକ ଦୁର୍ଘଟଣାରେ ମୃତ୍ୟୁ ହୋଇଥିବା ଜଣାପଡିଛି।ମୃତ କନେଷ୍ଟବଳ ଙ୍କ ନାମ ପିତାମ୍ବର ପୂଜାରୀ ୫୯ ବର୍ଷ ବୟସ ନିଜ ଘର କୋଟପାଡ଼ ବ୍ଳକ ଅନ୍ତର୍ଗତ ଗୀର୍ଲା ଗ୍ରାମରେ ବୋଲି ଜଣାପଡିଛି। କନେଷ୍ଟବଳ ପିତାମ୍ବର ପୂଜାରୀ ସକାଳୁ ୫ ଟା ୪୦ ମିନିଟ୍ ରେ ୪୮ ନମ୍ବର ରାଜ୍ୟ ରାଜପଥ ଦୁଲ୍ଲାଗୁଡା ରୋଡ଼ ରେ ମର୍ଣ୍ଣି ୱାକ ନିମନ୍ତେ ବାହାରି ଥିଲେ।ପ୍ରବଳ ଥଣ୍ଡା ଯୋଗୁଁ ପ୍ରତିଦିନ ସକାଳେ ଘନ କୁହୁଡି ରହିଥାଏ।ମର୍ଣ୍ଣି ୱାକ ରୁ ଫେରିବା ସମୟରେ ଦୁଲ୍ଲାଗୁଡା ନିକଟରେ ରାଣିଗଡ଼ ରୁ ବୋରିଗୁମ୍ମା ଆସୁଥିବା ଏକ ଅଜଣା ଗାଡ଼ି କନେଷ୍ଟବଳ ପିତାମ୍ବର ପୂଜାରୀ କୁ ପଛ ପଟେ ଧକ୍କା ମାରିଥିଲା। ଅଜଣା ଗାଡି ଟି କନେଷ୍ଟବଳ ଙ୍କୁ ଜୋର ରେ ଧକ୍କା ଦେଇ ଅତି କ୍ଷିପ୍ର ଗତିରେ ବୋରିଗୁମ୍ମା ଆସି ସେଠାରୁ କୋଟପାଡ଼ ରେ ରାସ୍ତାରେ ଗଲା ବୋଲି କିଛି ପ୍ରତାକ୍ଷଦର୍ଶୀ କହିଛନ୍ତି।ପରେ ପିତାମ୍ବର ପୂଜାରୀ ର ସହଯୋଗୀ ତୁରନ୍ତ ଥାନା କୁ ଫୋନ କରିଥିଲେ।ପୋଲିସ ତୁରନ୍ତ ଘଟଣା ସ୍ଥଳ କୁ ପିତାମ୍ବର ପୂଜାରୀ କୁ ବୋରିଗୁମ୍ମା ମେଡ଼ିକାଲ କୁ ନେଇଥିଲେ।କିନ୍ତୁ ମେଡ଼ିକାଲ ଯିବା ପୂର୍ବରୁ ହିଁ ପିତାମ୍ବର ଙ୍କ ପ୍ରାଣ ବାୟୁ ଚାଲିଯାଇଥିଲା।ପୋଲିସ ମୃତ ପିତାମ୍ବର ପରିବାର ଲୋକଙ୍କୁ ଖବର ଦେଇଥିଲେ।ପରିବାର ଲୋକ ପହଞ୍ଚି ଥାନାରେ ଲିଖିତ ଭାବେ ଜଣାଇବା ପରେ ମେଡ଼ିକାଲ ରେ ଶବ ବ୍ୟବଚ୍ଛେଦ କରାଯାଇ ପରିବାର ଲୋକଙ୍କୁ ହସ୍ତାନ୍ତର କରିଥିଲେ।ମୃତ ପିତାମ୍ବର ପୂଜାରୀ ଙ୍କ ଶବ ବ୍ୟବଚ୍ଛେଦ ପରେ ଥାନା ପରିସର କୁ ଅଣାଯାଇଥିଲା।ଏସ୍ଡିପିଓ ତପସ୍ୱିନୀ କହଁର, ଏସଆଇ ରଚିତା ମାଡକାମୀ, ମାନସ ହେମ୍ବ୍ରମ, ମେଘରାଜ ସୋରନ,ଦ୍ରୋଣାଚାର୍ଯ୍ୟ
ବାଗ,ଏଏସ ଆଇ ସସ୍ମିତା ନାୟକ, ଗୋପାଳ ହରିଜନ, ବସନ୍ତ କୁମାର ନାଗ,ଚନ୍ଦନ ପ୍ରସାଦ ମାଝୀ ଓ ଅନ୍ୟ ପୋଲିସ କର୍ମଚାରୀ ମାନେ ଗଭୀର ଶ୍ରଦ୍ଧାଞ୍ଜଳି ଜଣାଇଥିଲେ।କାର୍ଯ୍ୟରତ କନେଷ୍ଟବଳ ପିତାମ୍ବର ଙ୍କ ଅକାଳ ବିୟୋଗ ରେ ଥାନା ର ସମସ୍ତ କର୍ମଚାରୀ ଙ୍କ ମଧ୍ୟରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା।ଏନେଇ ବୋରିଗୁମ୍ମା ଥାନାରେ ଏକ ମାମଲା କେସ ନମ୍ବର ୨୪୯ ବାଇ ୨୪ ଦୁର୍ଘଟଣା ଜନିତ ଦଫା ରୁଜ୍ଜୁ କରାଯାଇଥିବା ତଦନ୍ତକାରୀ ଦ୍ରୋଣାଚାର୍ଯ୍ୟ ବାଗ କହିଛନ୍ତି।ତେବେ ଦୁର୍ଘଟଣା ଘଟାଇଥିବା ଅଜଣା ଗାଡ଼ି କୁ ଧରିବା ପାଇଁ ପୋଲିସ ଚେଷ୍ଟା ଚଳାଇଥିବା ଜଣାପଡିଛି।