ପାଗଳ କୁକୁର କାମୁଡ଼ାରେ ୧୬ ଆହତ
ବୋରିଗୁମ୍ମା : କୋରାପୁଟ ଜିଲ୍ଲା ବୋରିଗୁମ୍ମାରେ ପାଗଳ କୁକୁର ଆତଙ୍କ। କୁକୁର କାମୁଡ଼ାରେ ୧୬ ଜଣ ଆହତ ହୋଇଛନ୍ତି। ଫଳରେ ସ୍ଥାନୀୟ ଲୋକେ ଆତଙ୍କିତ ଅବସ୍ଥାରେ ଅଛନ୍ତି। ସୂଚନାନୁଯାୟୀ, ବୋରିଗୁମ୍ମା ଅଞ୍ଚଳରେ ଗତ ଦୁଇ ଦିନ ଧରି ଏକ ପାଗଳ କୁକୁର ଆତଙ୍କ ଖେଳାଇଛି। ଲୋକଙ୍କୁ କାମୁଡି ଖଣ୍ଡିଆ ଖାବରା କରିଦେଉଛି। ଆଖି ପିଛୁଳାକେ ଲୋକଙ୍କୁ କାମୁଡି ଅନ୍ୟଆଡେ ଚାଲିଯାଉଛି। ଦୁଇ ଦିନ ମଧ୍ୟରେ ପାଖାପାଖି ୧୬ ଜଣଙ୍କୁ କାମୁଡ଼ିଥିବା ସୂଚନା ମିଳିଛି। ଫଳରେ ବୋରିଗୁମ୍ମା ଅଞ୍ଚଳବାସୀ ଭୟଭୀତ ଅବସ୍ଥାରେ ଅଛନ୍ତି। ତେବେ ଏନେଇ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଇ ନାହିଁ। ଏନେଇ ସ୍ଥାନୀୟ ଲୋକେ ଅସନ୍ତୋଷ ପ୍ରକାଶ କରିଛନ୍ତି।
Leave a Reply