ବୈପାରିଗୁଡ଼ା, କୋରାପୁଟ , ଶଶୁରଘରରେ ଝିଅର ଅସ୍ପଷ୍ଟ ମୃତ୍ୟୁକୁ ନେଇ ବୈପାରିଗୁଡ଼ା ଥାନାରେ ହତ୍ୟା ଅଭିଯୋଗ ଦାଖଲ କରିଛନ୍ତି ଜଣେ ମା’। ବୈପାରିଗୁଡ଼ା ମେନ୍ ରୋଡର ବସିନ୍ଦା ମଞ୍ଜୁଳା ନାୟକ ଆପଣଙ୍କ ଝିଅ ବର୍ଷା (୨୦) ଗତ ୨୦୨୩ ସେପ୍ଟେମ୍ବର ୧୬ ରେ ଘରୁ ଚାଲିଯାଇଥିଲେ। ସେ ହନୁମାନ ନଗର ନିବାସୀ ଧନ ଟାକ୍ରିଙ୍କ ପୁଅ ଦୁଃଖି ଶ୍ୟାମ ଟାକ୍ରି ସହ ପ୍ରେମ ବିବାହ କରିଥିଲେ।
ମା’ ମଞ୍ଜୁଳା ନାୟକ ଅଭିଯୋଗ କରିଛନ୍ତି ଯେ, ତାଙ୍କର ଝିଅକୁ ଶ୍ବାମୀ ଓ ଶଶୁରଘର ଲୋକେ ପ୍ରତିନିୟତ ନିର୍ଯାତନା ଦେଉଥିଲେ। ମୃତ୍ୟୁର କିଛି ଦିନ ପୂର୍ବରୁ ବର୍ଷା ମା’ଙ୍କୁ ମେସେଜ୍ କରି ମାରପିଟ ଘଟୁଥିବା ତଥ୍ୟ ଦେଇଥିଲେ। ଏହି ପରେ ଝିଅଙ୍କ ମୃତଦେହ ବେକରେ ଓଢ଼ଣୀ ଲଗାଇ ଝୁଲିଥିବା ଅବସ୍ଥାରେ ମିଳିଥିବା ନେଇ ସନ୍ଦେହ ଜନ୍ମ ନେଇଛି।
ମଞ୍ଜୁଳା ନାୟକ ମାନିଛନ୍ତି ଯେ ଏହା ଏକ ଯୋଜନାମୂଳକ ହତ୍ୟା ଓ ଅଭିଯୁକ୍ତଙ୍କ ବିରୁଦ୍ଧରେ ଶିଘ୍ର କଠୋର ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି। ବୈପାରିଗୁଡ଼ା ପୋଲିସ ଘଟଣା ସ୍ଥଳକୁ ଜାଇ ତଦନ୍ତ ଆରମ୍ଭ କରିଛନ୍ତି।