କୋରାପୁଟ/ଭୁବନେଶ୍ୱର, ୨୯/୭ ରାଜ୍ୟ ସ୍ତରୀୟ “ସମ୍ପୂର୍ଣ୍ଣତା ଅଭିଯାନ ସମ୍ମାନ ସମାରୋହ” ଦିନାଙ୍କ ୨୯.୦୭.୨୫ ରେ ଭୁବନେଶ୍ୱର ଥିବା ଲୋକସେବା ଭବନର ରାଜ୍ୟ କନଭେନସନ ସେଣ୍ଟରରେ ଓଡ଼ିଶା ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା।
ଏହି ସମାରୋହରେ ଆକାଂକ୍ଷା ଜିଲ୍ଲା ଓ ବ୍ଲକର ଉତ୍କୃଷ୍ଟ କାର୍ଯ୍ୟନିଷ୍ପାଦନ ପାଇଁ ଜିଲ୍ଲାପାଳ, ବିଡିଓ ଓ ବିଭିନ୍ନ ବିଭାଗୀୟ ଅଧିକାରୀମାନେ ସମ୍ମାନିତ ହେଲେ। କୋରାପୁଟ ଜିଲ୍ଲାରେ ତ୍ରଇମାସିକ ଗର୍ଭବତୀ ପଞ୍ଜୀକରଣ, ମଧୁମେହ ଓ ଉଚ୍ଚ ରକ୍ତଚାପ ସ୍କ୍ରିନିଂ, ମୃତ୍ତିକା ସ୍ୱାସ୍ଥ୍ୟ କାର୍ଡ ବଣ୍ଟନ, ବିଦ୍ୟାଳୟ ପାଠ୍ୟପୁସ୍ତକ ବଣ୍ଟନ ଓ ମାଧ୍ୟମିକ ବିଦ୍ୟାଳୟ ବିଦ୍ୟୁତୀକରଣ ଭଳି ୫ଟି ମୂଳ ତଥ୍ୟାଙ୍କରେ ସମ୍ପୂର୍ଣ୍ଣତା ହାସଲ କରିଥିବାରୁ, କୋରାପୁଟ ଜିଲ୍ଲାପାଳ ମନୋଜ ସତ୍ୟବାନ ମହାଜନଙ୍କୁ ରୌପ୍ୟ ପଦକ ଦିଆଯାଇଛି।
ତଦୁପରି, ଆକାଂକ୍ଷା ବ୍ଲକ ପ୍ରଗତି କାର୍ଯ୍ୟନିଷ୍ପାଦନରେ ଉଲ୍ଲେଖନୀୟ ଭୂମିକା ପାଳନ କରିଥିବା ଲକ୍ଷ୍ମୀପୁର ଓ ଲମତାପୁଟ ବ୍ଲକର ବିଡିଓଙ୍କୁ ମଧ୍ୟ ରୌପ୍ୟ ପଦକ ପ୍ରଦାନ କରାଯାଇଛି।
ଏହି ସମାରୋହ ମାଧ୍ୟମରେ ରାଜ୍ୟରେ ଚାଲିଥିବା ଆକାଂକ୍ଷା ଯୋଜନାର ଲକ୍ଷ୍ୟପୂରଣ ପ୍ରତି ଜିଲ୍ଲା ଓ ବ୍ଲକ ସ୍ତରର ଅଧିକାରୀମାନଙ୍କ ପ୍ରତି ବୃହତ ପ୍ରୋତ୍ସାହନ ଦିଆଯାଇଛି।