କୋରାପୁଟ, ୬/୮ ଓଡ଼ିଶା ସରକାର ସୀମାବର୍ତ୍ତୀ ଅଞ୍ଚଳରେ ଘରୋଇ ଓ ସରକାରୀ ଜମି ବନ୍ଦୋବସ୍ତ ପାଇଁ ପଦକ୍ଷେପ ନେଇଛନ୍ତି। କୋରାପୁଟ ଜିଲ୍ଲାର ପଟ୍ଟାଙ୍ଗି ତହସିଲର ବରାବନ୍ଧ, ମତଲମ୍ବା, ମାଳିପୁଟ, ମାଲକାରବନ୍ଦା ଓ ସିମିଳିଗୁଡା ତହସିଲର ଉପର କାଣ୍ଟି ଗାଁରେ ଏହି କାର୍ଯ୍ୟ ଆରମ୍ଭ ହେବ।
ସରକାର ତାଲିକାଭୁକ୍ତ ଗାଁଗୁଡ଼ିକୁ ଅନ୍ତର୍ଗତ କରି ସ୍ୱତନ୍ତ୍ର ସର୍ଭେ ଓ ୨୦୧୨ ର ସେଟେଲମେଣ୍ଟ ଆଇନ ଅନୁଯାୟୀ ଜମି ମାପଚୁପ, ସୀମା ନିର୍ଦ୍ଧାରଣ ଓ ପଟ୍ଟା ସଂଶୋଧନ କରିବ।
ପଟ୍ଟାଙ୍ଗି ବ୍ଲକର କୋଟିଆ ଅଞ୍ଚଳ ଉପରେ ଚାଲିଥିବା ଅନୁବାଦ ବିବାଦ ମଧ୍ୟରେ ଏହି ପଦକ୍ଷେପ ଗୁରୁତ୍ୱପୂର୍ଣ୍ଣ ବୋଲି ଅଭିମତ ମିଳୁଛି। ରାଜ୍ୟ ରାଜସ୍ବ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି।