ନବରଙ୍ଗପୁର, ୬/୮ ନିଖିଳ ଓଡିଶା ୬୬୨ ବର୍ଗ (+2 ଓ +3) ବେସରକାରୀ ଅଧ୍ୟାପକ ଓ କର୍ମଚାରୀ ସଂଘ, ନବରଙ୍ଗପୁର ଜିଲ୍ଲା ଶାଖା ତରଫରୁ ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି, କେନ୍ଦ୍ର ଶିକ୍ଷାମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ ଓ ଓଡିଶା ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀଙ୍କୁ ସମ୍ବୋଧିତ ସ୍ମାରକ ପତ୍ର ଅତିରିକ୍ତ ଜିଲ୍ଲାପାଳ (ରାଜସ୍ବ) ବିଶ୍ୱଜିତ ବର୍ମନଙ୍କ ମାଧ୍ୟମରେ ପ୍ରଦାନ କରାଯାଇଛି।
ଏହି ଅବସରରେ ଜିଲ୍ଲାର ଅନେକ ଉଚ୍ଚମାଧ୍ୟମିକ ବିଦ୍ୟାଳୟ ଓ ମହାବିଦ୍ୟାଳୟରେ କାର୍ଯ୍ୟରତ ଅଧ୍ୟାପକ, ଅଧ୍ୟାପିକା ଓ କର୍ମଚାରୀ ଏକତ୍ରିତ ହୋଇ ଶାନ୍ତିପୂର୍ଣ୍ଣ ଭାବେ ଏହି ଦାବିପତ୍ର ପ୍ରଦାନ କରିଥିଲେ। ସେମାନଙ୍କ ମୁଖ୍ୟ ଦାବି ଥିଲା ଚାକିରି ସର୍ତ୍ତବଳୀ ଓ ପେନସନ ସୁବିଧା ଦେବାକୁ ସରକାର ଦ୍ୱାରା ଚଉକସ ପଦକ୍ଷେପ ଗ୍ରହଣ।
କାର୍ଯ୍ୟକ୍ରମରେ ଜିଲ୍ଲା ସମ୍ପାଦକ ଶ୍ରୀ ଶିବ ପ୍ରସାଦ ପଟନାୟକ, ଜିଲ୍ଲା ସଂଯୋଜକ ଅନିଲ କୁମାର ପୃଷ୍ଟି ସହ ଅନେକ ଶିକ୍ଷା ପ୍ରତିଷ୍ଠାନର ଅଧ୍ୟକ୍ଷ, ଅଧ୍ୟାପକ ଓ କର୍ମଚାରୀ ଯୋଗ ଦେଇଥିଲେ। ବିଶେଷତଃ ପାନାବେଡା, ଚନ୍ଦାହାଣ୍ଡି, କୋଡ଼ିଙ୍ଗା, ଝରୀଗାଁ, ରାଇଘର, ନବରଙ୍ଗପୁର ଓ ଉମରକୋଟ ଅଞ୍ଚଳର ବିଦ୍ୟାଳୟ ଓ ମହାବିଦ୍ୟାଳୟର ଶିକ୍ଷକ ଓ କର୍ମଚାରୀମାନେ ଉପସ୍ଥିତ ଥିଲେ।
ଏହି ସଂଘ ତରଫରୁ ଘୋଷଣା କରାଯାଇଛି ଯେ ଆସନ୍ତା ୧୬ ଅଗଷ୍ଟ ରେ ରାଜ୍ୟ ସ୍ତରୀୟ ସମାବେଶରେ ସମସ୍ତ ଜିଲ୍ଲା ସଦସ୍ୟ ଯୋଗଦେଇ ନ୍ୟାୟଯୋଗ୍ୟ ଦାବି ଉପରେ ଦବାବ ବୃଦ୍ଧି କରିବେ।