କାଲିମେଳା, ୬/୮ ମାଲକାନଗିରି ଜିଲ୍ଲାର ମୋଟୁ ବନ ବିଭାଗ ଦ୍ୱାରା ଆନ୍ଧ୍ରପ୍ରଦେଶରୁ ଚୋରା ଭାବରେ ଆସୁଥିବା ୧୦୭୮ଟି କଇଁଛ ଜବତ କରାଯାଇଛି। ଏହି ଅଭିଯାନ ଆଜି ସନ୍ଧ୍ୟା ବେଳେ ଓଡ଼ିଶା-ଆନ୍ଧ୍ର ସୀମା ନିକଟ ମୋଟୁ ଅଞ୍ଚଳରେ ଚାଲିଥିଲା।
ବନ ବିଭାଗ ତଥ୍ୟ ଅନୁଯାୟୀ, ଏକ ବୋଲେରୋ ଗାଡ଼ିରେ ୨୫ଟି ଜରି ବ୍ୟାଗ ଭିତରେ ଲୁଚାଇ ରଖାଯାଇଥିବା ଏହି କଇଁଛମାନେ ମାଲକାନଗିରି ଦିଗକୁ ଚାଲାଣ ହେଉଥିଲେ। ଏହି ଚାଲାଣକୁ ନେଇ ୩ ଜଣଙ୍କୁ ଗିରଫ କରାଯାଇଛି, ଯାହାମାନଙ୍କ ମଧ୍ୟରୁ ମୁଖ୍ୟ ଆସାମୀ ସୁକୁମାର ତରଫଦାର ରହିଛନ୍ତି।
ବନ ବିଭାଗ କହିଛି, ଜବତ କଇଁଛର ମୂଲ୍ୟ ପ୍ରାୟ ୪ ଲକ୍ଷ ଟଙ୍କା ହେବ। ମାଲକାନଗିରି ଜିଲ୍ଲାରେ ଏହି ପ୍ରଜାତିର ମାଂସ ପାଇଁ ଚାହିଦା ଅଧିକ ଥିବାରୁ ବେପାରୀମାନେ ଚୋରା ଭାବରେ ଚାଲାଣ ଚାଲୁଥିବା ଜଣାପଡ଼ିଛି।
ଜବତ ହୋଇଥିବା କଇଁଛମାନେ ସୁରକ୍ଷିତ ଭାବେ ଜଳାଶୟରେ ଛାଡ଼ିଦିଆଯିବ ବୋଲି ବନ ବିଭାଗ ତରଫରୁ ସୂଚନା ମିଳିଛି।